Англиялик ногирон Атлантика океанини сузиб ўтди

Англиялик Ли Спенсер Атлантика океанини 60 кун ичида сузиб ўтиб, жаҳон рекордини ўрнатди, дея хабар берди РИА Новости нашри.

У қайиқда икки ой давомида тинимсиз ҳаракатланган. Яна бир аҳамиятли жиҳати шундан иборатки, Спенсер ногирон бўлиб, унинг бир оёғи ампутация қилинган. Унинг сўзларига кўра, саёҳат чоғида Спенсер 12 метр баландликдаги тўлқинларга ва улкан китларга дуч келган.