Тошкент-Бухоро йўлида Нексия автомобили ёниб кетгани ҳақида хабар бергандик.
ИИВ ЁХББ ОАВ билан ҳамкорлик қилиш бўлинмаси ёнғин ҳақида расмий маълумотни тақдим этди.
Унда қайд қилинишича, 2019 йилнинг 3 март куни Сирдарё вилояти М-39 йўлининг Тошкент-Термиз 937-км.да ҳаракатланиб кетаётган 1967 й.т. фуқаро Ш.Х. бошқарувида бўлган “NEXIA” русумли автомобилининг мотор қисмида носозлик сезиб, тўхтаган вақтида автомобилда ёнғин содир бўлган.
Ёнғин бошланган вақтда ҳайдовчи ва 4 нафар йўловчилар 2 нафар ёш болалари билан (2009 ва 2018 й.т) автомобилдан тушиб қолишга улгурган. Ҳеч ким тан жароҳати олмаган.
Ёнғин оқибатида автомобиль тўлиқ зарарланган. Ёнғинни бартараф этишга 1 та ёнғин ўчириш экипажи жалб этилган. Ёнғинни тахминий сабаби сифатида автомобилнинг мотор қисмидаги электр симларининг қисқа туташуви кўрсатилмоқда.
Моддий зарар миқдори аниқланмоқда. Воқеа содир бўлган жойдан ёнғин ўчириш қисмигача бўлган масофа 19 км.ни ташкил этади.
