"Ўзбекистон тўқимачилик саноатини ривожлантириб, экспорт салоҳиятини намойиш этмоқчи", деб ёзмоқда ЎзА.
Хитой етакчи ахборот агентлиги Юртбошимиз Шавкат Мирзиёев томонидан имзоланган "Тўқимачилик ва тикув-трикотаж саноатини ислоҳ қилишни янада чуқурлаштириш ва унинг экспорт салоҳиятини кенгайтириш чора-тадбирлари тўғрисида" фармон мазмун-моҳияти ҳақида тўхталаркан, мамлакатда етиштирилаётган пахта хом ашёси сифати юқорилиги, уни тайёр маҳсулот кўринишига келтириш ва экспортга йўналтириш катта даромад келтиришига урғу берди.
Бундан ташқари, 2025 йилга келиб, йирик ахборот манбаси маҳсулотларни ташқи бозорга йўналтириш орқали экспорт ҳажмини 7 миллиардга етказиш кўзда тутилганини таъкидлаган.
"Пахта Ўзбекистоннинг энг даромадли маҳсулотидир. Аммо сўнгги пайтларда давлат экспорт ўрнига ундан маҳсулот ишлаб чиқариш, тўқимачилик саноатини тараққий эттириш учун жиддий қадамлар ташламоқда.
... 2018 йили Ўзбекистон тўқимачилик экспорти жадал суратларда ўсди. Тўқимачилик маҳсулотларини ташқи бозорга сотиш олдинги йилга нисбатан 41,4 фоизга ошиб, бу 1,6 миллиард АҚШ долларига етди", - дейди Синьхуа.
