Қоҳира университети талабаси ўзи билан ўқишга англиялик ёзувчи Жорж Оруэллнинг «1984» романини олиб келгани учун ҳибсга олинди. Бу ҳақда, маҳаллий ОАВга асосланиб, Egypt Independent хабар бермоқда, деб ёзмоқда kun.uz.
Миср тергов органлари маълумотига кўра, 21 ёшли Муҳаммад Т. батареяси йўқ икки телефон, икки «флешка», қаттиқ диск ва Жорж Оруэллнинг «1984» китоби билан қўлга олинган.
Полициячиларнинг сўзларига кўра, талабанинг ёнидан мамлакат ислом халифалиги қандай фаолият олиб бориши кераклиги ҳақида варақа ҳам топилган.
Аввалроқ, Philippine Airlines авиакомпанияси Таиландга учаётган йўловчиларга ўзлари билан Оруэллнинг «1984» китобини олиб кетмасликни тавсия қилгани ҳақида хабар берилганди.
Авиакомпания маъмуриятининг тушунтиришича, ушбу китоб Таиландда мухолифат фаолларининг белгиси сифатида қабул қилиниши мумкин.
