АҚШ денгиз-ҳаво кучлари махсус операциялар бўлими “Денгиз мушуклари” ҳарбий хизматчиси Роберт О'Нил Daily Mail газетаси орқали айнан унинг бошчилигидаги гуруҳ 2011 йили “Ал-қоида” террорчилик гуруҳи раҳбарини йўқ қилганлигини эълон қилди, дея хабар бермоқда lenta.ru.
Нашр тарқатган маълумотга кўра, 38 ёшли О'Нил билан уюштирилган интервью ноябр ойида Fox телеканали орқали эфирга узатилади. Робертнинг бундай қарорга келишига сабаб ҳарбий хизматдан бўшатилгандан кейин баъзи имтиёзларнинг ҳам олиб ташланганлигидир.
O'Нил ҳозирда ҳам отаси билан бирга яшаётган Монтана штатида туғилган. У ҳарбий хизматга 19 ёшида қабул қилинган. Роберт 400та ҳарбий операция, хусусан Ироқ ва Афғонистондаги ҳаракатларда иштирок этган. Биринчи рақамли террорчини ўлдиргани учун унга махсус мукофот берилган.
