БMT томонидан Марокашда ўтказилган халқаро конференцияда миграцияни тартибга солиш бўйича жаҳон пакти қабул қилинди, деб хабар қилди Еsquire.ru нашри.
Конференцияда иштирок этган 193 та давлатдан 164 таси уни қабул қилиш учун овоз берган. Мазкур пакт ноқонуний миграция даражасини пасайтириш, қочоқларни ўз мамлакатларига қайтариш интеграциясини таъминлашга қаратилган. Ҳужжатнинг матни жорий йилнинг июль ойида тасдиқланган. Ўшандан бери у европалик сиёсатчилар томонидан танқид қилиниб келинмоқда. Уларнинг фикрига кўра, бу қарор, аксинча, Араб ва Африка давлатларидан келаётган мигрантлар оқимининг ошишига олиб келади.
