Бугун, 7 декабрь куни Ўзбекистон Республикаси Конституцияси қабул қилинганининг 26 йиллиги муносабати билан Мустақиллик ва эзгулик монументи пойига тантанали гул қўйиш маросими бўлиб ўтди, деб хабар берди ЎзА.
Ўзбекистон Республикаси Олий Мажлиси Сенати аъзолари ва Қонунчилик палатаси депутатлари томонидан ҳарбий оркестр садолари остида Мустақиллик ва эзгулик монументи пойига гулчамбарлар қўйилди.
Асосий қонунимиз халқимиз сиёсий-ҳуқуқий тафаккурининг юксак намунасидир. У ҳеч кимга қарам бўлмасдан, эркин ва озод, тинч ва осойишта, фаровон яшашимизнинг қонуний кафолати бўлиб келмоқда.
