Индонезиянинг Сулавеси оролида қирғоққа ўлик кит чиқиб қолган, дея хабар бермоқда Еuronews.com нашри.
Мутахассислар ўтказган текширувларга кўра, жониворнинг ошқозонида пластик чиқиндилар борлиги аниқланган. Олинган хабарларга қараганда, кит 115 та пластмаса стакан, 25 та сумка, нейлон салафан ва яна бошқа 1000 дан ортиқ буюмларни ютиб юборган. БМТ берган маълумотларга кўра, ҳар йили океанга 10 миллион тонна чиқиндилар ташланади. Бу эса жониворлаврнинг фожиали ўлимига олиб келмоқда.
