Профессионал боксда мағлубият нималигини билмай келаётган ҳамюртимиз Азизбек Абдуғофуров бугун ўзининг навбатдаги жангини ўтказади, деб хабар бермоыда Оламспорт нашри.
Филиппиннинг Пасай Сити шаҳарчасида ўтказиладиган 12 раундлик жангда Азизбекка хитойлик Вужати Нуерланг рақиблик қилади. Ҳамюртимиз мазкур жангда ўзининг WBC Silver чемпионлик камарини ҳимоя қилади.
Маълумот учун, Азизбек Абдуғофуров профессионал боксдаги фаолияти давомида 11та жанг ўтказган бўлиб, уларнинг барчасида ғалаба қозонган. Тўртта жангда рақибларини муддатидан аввал нокаутга учратган.
Чемпионлик камарини шу йилнинг 5 май куни Тошкентда ўтган профессионал бокс кечасида россиялик машҳур боксчи Дмитрий Чудиновни очколар ҳисобига кўра мағлубиятга учратгач қўлга киритган эди.
Нуерланг эса дебют жангида мағлубиятга учраган. Лекин кейин ўтказган 11та жангида рақибларидан устун келган. Тўққизта жангда рақибларини нокаутга учратган.
