Қозоғистонлик бир кекса одам ўзининг дафн маросимидан сўнг уйига қайтиб келди, деб хабар қилмоқда Ria.ru нашри.
Тўмарли қишлоғида яшовчи 63 ёшли Айгали Супугалиев жорий йилнинг июнь ойида уйидан чиқиб кетиб, қайтиб келмайди. Қариндошлари қидирувга беришгач, уларни ўликхонага чақиришади. Ўликхонада эса куйиб кетган эркакнинг жасадини кўрсатишади. ДНК экспертизаси марҳум 99 фоиз Айгали Супугалиев эканлигини тасдиқлайди.
Шундан сўнг уни 4 сентябрь куни дафн этишади.
Аммо орадан икки ой ўтиб Айгали уйига кириб келади. Маълум бўлишича, у ёлланма ишчи сифатида қўшни вилоятга кетган экан.
Айгалининг ўрнига ким кўмилгани эса маълум қилинмаяпти.
