АҚШ Президенти Дональд Трамп сешанба куни Бирлашган Миллатлар Ташкилотининг Бош Ассамблеясининг 73-сессиясида нутқ сўзлади. Дунёнинг кўпгина мамлакатлари раҳбарлари Трампнинг нутқини эшитиб кулгидан ўзини тутиб туролмади.
Дональд Трамп ўзининг икки йил давомида эришган ютуқларини айтиб ўтирганларга мақтанган ва ундан олдинги Президентларнинг ҳеч бири унингдек натижага эришолмаганини таъкидлаган.
Шунингдек, у Америка ҳар қачонгидан кўра кучли давлатга айланганини айтган. “Бизнинг армиямиз яқин кунларда Америка тарихидаги энг кучли армияга айланади, яъни Қўшма Штатлар ҳар қачонгидан кўра кучли, хавфсиз ва бой мамлакатга айланади. Биз Америка ва америкаликлар учун ҳаракат қиляпмиз” дея давом этган Дональд Трамп.
У Президентлик даврида қилинган ишларни деярли ҳаммасини санаб ўтган. Саудия Арабистонидан тортиб Шимолий Корея раҳбари билан ўтказилган музокаралар ва яқинда Польша Президенти Анджей Дуда билан учрашиб Қўшма Штатлар армиясини Польшада янги базасини тузишга келишиб олганлигигача айтиб ўтган.
26.09.2018 05:39
Дональд Трампнинг БМТдаги нутқи барчани кулгисига сабаб бўлди
