Американинг кийим-кечак ва сумкалар ишлаб чиқарувчи Michael Kors холдинги 2 миллиард долларга Италиянинг Versace модалар уйини сотиб олади, дея хабар қилди Ren.tv нашри.
Reutersнинг хабар беришича,томонлар 2018 йилнинг сентябрь ойи охирига қадар битим ҳақида эълон қилиши кутилмоқда. Michael Kors 20 фоиз улушга эга бўлиши мумкин, бироқ Версачи оиласи компания фаолиятида иштирок этишда давом этади, дея таъкидлашмоқда. Битим якунлари бўйича Американинг Blackstone Group инвестиция фонди акциядорлар таркибидан чиқади. Ҳозирча икки компания вакиллари ҳам бунга изоҳ беришдан сақланишган.
