Warner Bros. студияси Жокер ҳақида алоҳида фильмни суратга олиш ишларини бошлаб юборди, дея хабар берди filmpro.ru нашри.
Суперёвуз ролини бу сафар кўпчилик киноихлосмандларга Риддли Скоттнинг “Гладиатор” фильмида Коммод роли орқали яхши таниш бўлган Хоакин Фениксга ишониб топширилган.
Ҳар сафаргидек Хоакин ушбу роли учун ҳам бафуржа тайёргарлик кўрган. Шу кунларда Жокернинг янги қиёфасига киноихлосмандларнинг муносабатини билиш учун “Жокер” фильмининг илк тизери эълон қилинди.
Бундан аввал Жокер ролини Сезар Ромеро, Жек Николсон, Жаред Лето ва Хит Лежер ижро этган эди.
