Италиянинг «Ювентус» клубида тўп сураётган Криштиану Роналду янги жамоада гол уролмаётгани хақидаги гап-сўзларга чек қўйди, дея хабар қилди ТАСС нашри.
У А Сериянинг 4-тури доирасида «Сассуоло»га қарши ўйиннинг 50-дақиқасида ҳисобни очди. Бу гол португалиялик футболчи учун «Ювентус» сафидаги илк гол сифатида қайд этилган. Шунингдек, Роналду ўйиннинг 65-дақиқасида дубл натижага эришди. У дастлабки турларда фақат бир голли узатмага муаллифлик қилганди.
