Калифорниянинг Opener компанияси BlackFly деб номланган “учар машина”ни намойиш этди, деб хабар қилди TechRadar нашри.
Ушбу машинани ишлаб чиқариш учун тўққиз йил вақт сарфланган. Шу вақт ичида 1400 та синов парвозлари ўтказилган.
BlackFly “машина” деб аталгани билан унда ғилдираклар йўқ. Унда саккизта пропеллер бўлиб, 40-65 километр масофани учиб ўта олади. Аккумуляторларни қувватлаш эса бор-йўғи 25 дақиқа вақтни олади.
