3 июль куни Самарқанд шаҳрида Кимёгарлар қўрғонида яшовчи Ф.Р. уйида оилавий жанжал оқибатида бирга яшаган турмуш ўртоғи Д.К. исмли аёлнинг қорин қисмига пичоқ билан уриб жароҳат етказган.
Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилди.
Натижада Д.К. касалхонага ётқизилган ва кўрсатилган тиббий муолажаларга қарамай вафот этган.
Ф.Р. қўлга олинди.
Эслатиб ўтамиз, аввалроқ Самарқандда аёл икки ёш қизини пичоқлаб, сўнг ўзининг жонига қасд қилгани ҳақида хабар берган эдик.
