Ўзбекистон ветеринария илмий-тадқиқод институти мутахасисслари томонидан фаоллаштирилган радиобиологик вакцина ихтиро қилинди.
Бундан асосий мақсад майда шохли моллардаги колибактериоз, сальмонеллёз ва пастереллёз касаллигини профилактика қилиш ҳамда касаллик туфайли келтириладиган зарарнинг олдини олишдан иборат. Бу ҳақда Ўзбекистон Республикаси Интеллектуал мулк агентлигининг расмий сайти ima.uz хабар бермоқда.
Қўй ва эчкилар чалинадиган ушбу касалликни профилактика қилиш учун дунё бўйича катта маблағ сарф этилади. Шу сабабли юртдошларимиз томонидан ихтиро қилинган вакцина айни соҳада катта ютуқларга олиб келишига ишонамиз. Вакцина ихтирочилари саналган Игорь Ряснянский, Бахтиёр Мирзаев, Актам Аҳмедовларга IAP 04892 рақамли давлат патент тақдим этилди.
