Самарқанд вилоятида судлар томонидан коррупцияга боғлиқ бир қатор ишлар кўриб чиқилди. Бу ҳақда "Зарафшон" газетаси хабар берди.
Жумладан, 2018 йилнинг биринчи чорагида Ўзбекистон Республикаси Жиноят кодексининг 210-моддаси (пора олиш) билан 9 нафар шахсга 8 та жиноят иши кўрилган.
211-модда (пора бериш) билан 16 нафар шахсга нисбатан 14 та жиноят иши кўриб чиқилган, дея маълум қилган жиноят ишлари бўйича вилоят судининг судьяси Тўлқинжон Қодиров.
Шунингдек, шу давр мобайнида 168-модда (фирибгарлик) билан 201 нафар шахсга нисбатан 102 та жиноят иши кўриб чиқилган.
