Шотландиянинг Буюк Британиядан чиқиб кетиши тўғрисидаги референдум ўтказилишига бир ярим ой қолди.
Ҳозирга келиб, ижтимоий сўровномалар шотландияликларнинг 40 фоизи мустақил бўлишни истаётгани, 54 фоизи қўшма қироллик сафида қолишини, қолган 6 фоизи эса ҳали бир қарорга келмаганини кўрсатмоқда.
Шотландия бош вазири эса мамлакат бемалол ўзини ўзи эплай олишини айтмоқда. Британия ҳукумати эса Шотландия парламентига қўшимча ваколатлар ваъда қилмоқда, дея хабар беради "Россия24" телеканали.
Шотландия мустақиллиги тўғрисидаги референдум 18 сентябрь куни бўлиб ўтиши белгиланган. Ўтказилган ижтимоий сўровномаларга кўра, шотландияликларнинг кўп қисми мамлакатнинг ажралиб чиқишига қарши бўлишмоқда.
