Драматург Уильям Шекспир дунёдаги энг машҳур британиялик бўлди. Бу ҳақда Британия кенгаши учун ўтказилган Ipsos MORI таҳлилига таяниб The Telegraph нашри хабар бермоқда.
Сўровномада АҚШ, Хитой, Ҳиндистон, Бразилия ва Германиядан 5 минг киши иштирок этди. Иштирокчилардан Буюк Британия маданиятини намоёндаси сифатида кимни айтишлари сўралди.
Иккинчи поғонада қиролича Елизавета II, учинчи ўринда футболчи Дэвид Бэкхем қайд этилди. Шунингдек, юқори поғоналарда Жоан Роулинг ва хонанда Адель жой олди.
Қайд этилишича, Роуэн Аткинсон томонидан ўйлаб топилган мистер Бин персонажи рейтингда собиқ бош вазир Черчилл, Чарли Чаплин ва малика Дианани ортда қолдирди.
