26 апрель куни Жанубий Кореянинг Инчхон шаҳар аэропорти фарроши ғаройиб топилмани қўлга киритди, деб хабар берди News.mail.ru нашри.
Фаррош чиқинди контейнеридан газетага ўралган, ҳар бири бир килограммдан бўлган 7 та олтин ёмбиларни топган. Унинг умумий қиймати уч юз ўттиз минг долларни ташкил этади.
Ҳозиргача олтин ёмбиларнинг эгаси топилмади. Агар 6 ой мобайнида унинг эгаси аниқланмаса, мамлакат қонунчилигига биноан барча ёмбилар фаррошга насиб этади. Топилманинг эгаси маълум бўлган тақдирда ҳам фаррош 5% дан 20 % гача ўз улушини талаб қилишга ҳақли.
Мабодо олтин ёмбилар жиноятчилик йўли билан ўзлаштирилган бўлса, фаррош ҳеч нарсасиз қолади.
