Америкалик сайёҳ Жефф Свинхьельм Балида севимли кепкасини олиб қочган маймун ортидан қувиб, 10 метр баландликдан пастга қулади, деб хабар берди Tvzvezda.ru нашри.
40 ёшлик америкалик сайёҳ Жефф Свинхьельм маймун ортидан қувиб, фалаж бўлиб қолди ва кома ҳолатига тушди. Бахтсиз ҳодиса Индонезиянинг Бали оролида 18 декабрь куни рўй берди. Маймун сайёҳнинг Америка Pittsburgh Steelers футболи рамзи туширилган севимли кепкасини олиб қочган. Шундан кейин у маймун ортидан қувиб, 10 метр баландликдан тушиб кетган. Қизининг айтишича, йиқилиш оқибатида отаси фалаж бўлиб қолган.
Айни пайтда эркакнинг оиласи уни даволатиш, Балидан мамлакат пойтахти Куала- Лумпурга олиб келиш учун пул тўпламоқда. Сайёҳнинг кепкасини маҳаллий аҳолига мансуб одамлар топишган, у бошқа буюмлар билан бирга касалхонада сақланмоқда.
