Олимларнинг фикрича, ортиқча вазнга эга бўлган одамлар озғинларга нисбатан ўзларини бахтлироқ ҳис қилар экан, деб хабар берди Ria.ru нашри.
37 ёшдан 73 ёшгача бўлган 500 мингдан ортиқ британияликларнинг маълумотларини таҳлил қилган Бристоль университети олимлари шундай хулосага келишди. Мутахассислар семиз инсонларнинг оғир-босиқ ва хотиржам одам эканликларини аниқлашди. Тадқиқотлар натижасида ўзини озиқ-овқатдан чеклаган одам эса негатив ҳис-туйғуларга эга бўлиши, кўпроқ асабийлашиши аниқланди. Шунга қарамай, шифокорлар ортиқча вазн яхши руҳий натижаларга эга бўлишига қарамай, юрак қон-томир, гипертония, қанд касалликларини юзага келтириши ҳақида огоҳлантиришди.
