Тинч океанидаги Кокос ороллари қирғоғида америкалик аёлга акула ҳамла қилди. Бир неча маротаба жароҳат етказишга улгурган йўлбарс-акула дастлаб дайверларга ҳужум қилган. Аёлнинг ҳаётини сақлаб қолишга уринган инструктор қаттиқ тан жароҳати олган. Ҳозирда унинг аҳволи оғир. Гарчи аёлга дастлабки тез тиббий ёрдам кўрсатилган бўлса-да, унинг ҳаётини сақлаб қолишнинг имкони бўлмади. Бу ҳақда ҳозиргина "Sky News" хабар берди.
Маълумот ўрнида йўлбарс-акулалар 4,6 метргача узунликда бўлишади, уларнинг оғирлиги ўртача 800 килограммни ташкил этади.
