Аввал хабар берганимиздек, 25 октябрь куни Анқарада Шавкат Мирзиёев ва Режеп Таййип Эрдўған ҳамда икки мамлакат расмий делегациялари иштирокида музокаралар бўлиб ўтди.
Музокаралардан сўнг икки давлат раҳбарларининг оммавий ахборот воситалари вакиллари билан учрашуви ташкил этилди.
Тадбир чоғида Туркия Президенти Ўзбекистон халқ шоири, марҳум Абдулла Ориповнинг "Ўзбекистон" шеъридан парча ўқиб берди.
