Президент Шавкат Мирзиёев бугун,18 август куни Бекобод шаҳрига ташриф буюрди. Президент ташрифини “Ўзбекистон металлургия комбинати» АЖ фаолияти билан танишишдан бошлади, деб ёзади ЎзА.
Мазкур комбинат мамлакатимизнинг энг йирик ишлаб чиқариш объектларидан бири ҳисобланади. 1944 йилда ташкил этилган корхонада қора металл парчалари ва чиқиндиларни қайта ишлаш, тайёр прокат маҳсулотлари, сирланган идишлар ва бошқа халқ истеъмоли маҳсулотлари ишлаб чиқаради.
Корхонада янги йирик лойиҳалар амалга оширилиши режалаштирилган бўлиб, Президентимиз мазкур лойиҳалар билан танишмоқда.
