Кеча, 16 август куни россиялик актриса, Россия халқ артисти Вера Глаголева узоқ давом этган оғир хасталикдан сўнг оламдан ўтди, деб хабар берди Vesti.ru нашри.
У сўнгги пайтда немис клиникаларидан бирида даволанаётган эди. Аммо унинг бедаво дарди олдида тиббиёт ожизлик қилди. Вера Глаголева актёрлик бўйича маълумоти йўқлигига қарамай, ўнлаб фильмларда ёрқин, эсда қоларли образларни яратди. Унинг қаҳрамонлари нозик бўлишларига қарамай, ички қувватга эга кучли шахслар эди.
Россия кинематография иттифоқи раисининг ўринбосари Клим Лаврентьевнинг маълумот беришича, Вера Глаголеванинг дафн маросими 19 август куни Марказий кино уйида, соат 11.00 да бўлиб ўтади. Россия президенти Владимир Путин актрисанинг яқинларига таъзия изҳор қилди.
