АҚШнинг Вашингтон штатидагги Сиэтл шаҳрида ўтказилган оммавий тадбирда тартибсизликлар юзага келди, деб хабар берди Ntv.ru нашри.
АВС телеканалининг хабар беришича, ҳуқуқ-тартибот идораси ходимлари ва АҚШ президенти Дональд Трамп сиёсатини қўллаб-қувватлаш сиёсий тадбирига халақит қилмоқчи бўлган намойишчилар ўртасида тўқнашув юзага келди.
Полиция намойишчиларга қарши қалампирли аэрозоль ва ёруғлик тарқатувчи, шовқинли гранаталардан фойдаланди. Намойишнинг бир неча фаоллари қўлга олинди.
Айни кунларда АҚШнинг Виржиния штатидаги Шарлотсвилл шаҳрида ўта ўнгчилар ва уларнинг рақиблари ўртасидаги тўқнашув оқибатида фавқулодда ҳолат эълон қилинди. Намойиш вақтида оломон устига автомобиль келиб урилди. Ҳодиса оқибатида 1 киши ҳалок бўлди, 30 нафардан ортиқ одам яраланди. Полиция автомобиль ҳайдовчисини қўлга олди. Ҳайдовчи Айова штатида яшовчи 20 ёшли йигит бўлиб чиқди. Унга “қасддан қотиллик содир этиш” айби қўйилди.
Шарлотсвилл мэри шаҳарда содир бўлган барча ҳодисаларда, жамоатчилик орасида ирқчилик кучайиб кетганлигида АҚШ президенти Дональд Трампни айблаб, ҳамма ҳодиса масъулиятини Трампнинг зиммасига юклади.
