Туркияда ичида одамлар бўлган автобус ағдарилиши оқибатида уч киши ҳалок бўлди, бир қанча йўловчилар жабрланди, деб хабар берди Ntv.ru нашри.
Бугун тонгда Анқара шаҳрини Конья шаҳри билан боғловчи йўлда йўл транспорт ҳодисаси рўй берди. Автобус ҳайдовчиси бошқарувни йўқотиши оқибатида автобус ағдарилиб кетди.
Воқеа жойига тез ёрдам машиналари етиб келди. Ҳалок бўлганлар сони ортиши мумкин. Ҳодиса тафсилоти ўрганилмоқда.
