NASA АҚШ ҳудудини тўлиқ қоплаб олувчи ўзига хос Қуёш тутилиши пайтида хавфсизликни таъминлаш бўйича бир қанча тавсияларни берди, деб хабар қилди Tvzvezda.ru нашри.
21 август куни АҚШ аҳолиси аномал табиат ҳодисаси бўлган, мамлакатнинг барча ҳудудларига кўринадиган Қуёш тутилиши ҳодисасига гувоҳ бўлишади. Бу АҚШда 1979 йилда рўй берган илк тўлиқ Қуёш тутилишидан кейинги иккинчи ҳодисадир. Бундан бир аср илгари 1918 йилда ҳам АҚШда Қуёш тўлиқ тутилган эди.
Мазкур табиат ҳодисасини ҳисобга олган NASA одамларни Қуёш тутилиши ҳодисаси рўй берганда бажарилиши лозим бўлган хавфсизлик чоралари ҳақида огоҳлантирди. Унинг тавсия беришича, Қуёш тутилган пайтда томоша қилиш учун қўлбола фильтрлар ёки Қуёшдан ҳимоя қилувчи кўзойнаклардан фойдаланиш мумкин эмас.
Қуёш тутилишини томоша қилмоқчи бўлган одам бир жойда туриб, кўзига махсус кўзойнак тақиши лозим. Қуёшдан ўгирилгандан кейингина махсус кўзойнакларни ечишлари лозим бўлади. Қуёшга қараб турган пайтда эса ҳимоя воситасини кўздан олиш мумкин эмас.
