Португалия миллий телевидениеси ва Европа телеузатиш иттифоқи Лиссабонни Евровидение-2018 мусиқий танлови ўтказиладиган шаҳар сифатида танлашди, деб хабар берди News.mail.ru нашри.
Бундан ташқари қўшиқ танловининг Twitter расмий саҳифасида тадбирга бағишланган видеоролик пайдо бўлди.
Ташкилотчиларнинг хабар беришича, танловнинг ярим финал босқичи 8 ва 10 майда, финал босқичи эса 12 майда бўлиб ўтади. Португалия Сальвадор Собралнинг Киевда ўтказилган Евровидение-2017 қўшиқ танловида ғолиб чиққанлиги туфайли халқаро қўшиқ танловининг мезбонига айланди.
