Абхазиялик эркак Москва шаҳрининг жанубий қисмида яшовчи пенсионер аёлнинг уйидан қимматбаҳо заргарлик буюмлари ва пулларини ўғирлади, деб хабар берди Tvzvezda.ru нашри.
Москва шаҳрида яшовчи пенсионер аёлнинг уйидан ўғри турли мамлакат валюталарини ва заргарлик буюмларини ўғирлаган. Ўғирлик якшанба куни кечаси, Москванинг Криворожский кўчасида рўй берган. Жиноятчи 68 ёшли кампирнинг уйига ўғирликка тушиб, у ердан 137 минг рубллик заргарлик буюмлари, 20 евро, 100 доллар, 1000 Озарбайжон манати ва Зимбабвенинг 50 миллиард долларини ўғирлаган.
61 ёшли, абхазиялик бўлган жиноятчини полиция далилий ашё билан қўлга олди.
