16 июль, якшанба куни тахминан соат 5:00да Тошкент шаҳрининг Сергели тумани ҳудудида мудҳиш йўл-транспорт ҳодисаси содир бўлди.
Facebook’даги "Водители Ташкента" гуруҳида берилган фотохабарга кўра, катта тезликда ҳаракатланган "Спарк" русумли автомобиль ҳалокатга учраган ва таниб бўлмас ҳолатга келган. Автомобиль ичидаги уч киши воқеа жойида ҳалок бўлган.
Ҳодиса қандай юз бергани номаълум. Бошқа жабрланувчилар ҳақида маълумотлар йўқ.
