Халтмаагийн Баттулга душанба кундан бошлаб, Монголия президенти вазифасини адо этишга киришди, деб хабар берди Ria.ru нашри.
Монголия Давлат қароргоҳида бўлиб ўтган тантанали инаугурация маросимида депутатлар, Конституцион суд раҳбари, 2017 йилги президент сайловида қатнашган бошқа номзодлар, чет эллик дипломатлар иштирок этишди. Янги президент ўз нутқида ташқи иқтисодий алоқаларни мустаҳкамлашга, Хитой ва Россия билан барча соҳаларда ҳамкорликни йўлга қўйишга ваъда берди.
Парламентда озчиликни ташкил этувчи демократик партия томонидан номзоди қўйилган Халтмаагийн Баттулга 7 июль куни ўтказилган Монголия президентлигига сайловда ғалаба қозонди. Дастлабки ҳисоб-китобларга кўра, у 50,6 % овозга эга бўлган. Сайловда 60,9 % сайловчи қатнашган.
