Петербург шаҳрида иорданиялик БМТ ходимининг пулини, фотоаппаратини ва тақинчоқларини ўғирлаган, ҳеч қаерда ишламайдиган жиноятчи қўлга олинди, деб хабар берди Ntv.ru нашри.
Воқеа Санкт-Петербург шаҳрининг Невский проспектида жойлашган китоб дўконида рўй берди. Жиноятчи 54 ёшли чет эллик хонимнинг ичида фотоаппарати, заргарлик буюмлари ва пули бўлган рюкзагини ўғирлаган. Барча ўғирланган буюмларнинг нархи 1,4 миллион рублни ташкил этди.
Жиноятда 36 ёшли, ишсиз-жойсиз эркак гумонланиб, қўлга олинди. Йўқолган буюмлар қисман қайтарилди. Эркакка нисбатан ўғирлик бўйича жиноят иши қўзғатилди. Чет эллик аёл БМТнинг дастурли менежери лавозимида хизмат қилади.
