Хитойда соатига 75,6 километр тезликда ҳаракатланувчи лифт ишга туширилди, деб хабар берди Ntv.ru нашри.
Мазкур лифт Хитойнинг жанубий қисмида жойлашган Гуанчжоудаги CTF Finance Center молия маркази биносига ўрнатилди.
Нашрнинг хабар беришича, ультратезликда ҳаракатланувчи лифт Япония компанияси томонидан яратилган. У 25 сонияда баландлиги 500 метр бўлган молия марказининг томига “учиб” чиқа олади.
Лифтнинг тезлиги соатига 75,6 километр эканлиги синов пайтида аниқланди. Кундалик эксплуатация жараёнида лифт сал секинроқ ҳаракат қилади. Илгари Шанхай осмонўпар биносига ўрнатилган лифт энг тезюрар лифт ҳисобланарди. Мазкур лифт соатига 69 километр тезликда ҳаракат қилган.
