2017 йилнинг 27 май куни тахминан соат 22:30 да, Тошкент шаҳридаги давлат институти талабаларининг бири Валиев Носир, олийгоҳнинг Мирзо Улуғбек туманидаги ётоқхонасида бўла туриб, безорилик оқибатида, таниши Хамраев Шехрозни боши ва танасининг турли қисмига қўли ҳамда оёқлари билан оғир тан жароҳати етказган.
Хамраев олган тан жароҳати натижасида, Республика Нейрохирургия Илмий Марказига ётқизилган.
Мазкур ҳолат юзасидан Мирзо Улуғбек тумани ИИБ ҳузуридаги Тергов бўлими томонидан ЖКнинг 104-моддаси 2-қисми “е“ банди (безорилик оқибатида қасддан баданга оғир шикаст етказиш) аломатлари билан жиноят иши қўзғатилган.
Валиевга нисбатан қамоққа олиш тарзидаги эҳтиёт чораси қўлланилган.
Ҳозирда дастлабки тергов ҳаракатлари давом эттирилмоқда.
Юқоридаги шахсларнинг анкета маълумотлари ўзгартирилган бўлиб, фамилия ва исмларнинг ўхшашлик ҳолати тасодифий характерга эга.
