Грециянинг собиқ бош вазири Лукас Пападимоснинг автомобили портлаши оқибатида унга ҳамроҳлиқ қилаётган тўрт мулозими жабрланди, деб хабар берди Ntv.ru нашри.
Сиёсатчи ва унга ҳамроҳлик қилган мулозимлари портлаш оқибатида яраланиб, касалхонага ётқизилди.
Маҳаллий ОАВлар берган хабарга кўра, мина солинган пакет портлаган. Уни автомобиль салонида болган собиқ вазирнинг ўзи очиб кўрган. Собиқ вазирнинг қўли ва қорин қисми жароҳатланган. Унинг шахсий ҳайдовчиси ва қўриқчилари ҳам яраланган, тўртинчи одам кимлиги ҳақида маълумот берилмади.
Портлаш автомобиль Афина кўчаларидан бирида ҳаракатланаётганда рўй берди. Автомбиль зирҳлангани учун унинг ойналари портлашдан шикастланмади. Хавфсизлик ёстиқлари ишлаб кетиб, салондан тутун чиқди. Портлаш вақтида Пападимоснинг автомашинасини полиция қўриқлаб кетаётган эди. Мазкур портлаш теракт, деб тахмин қилинмоқда. Грециянинг анархистик ва террорчилик гуруҳлари сўнгги пайтларда халқаро валюта фонди ва немис сиёсатчиларига бомба солинган посилкалар юборган.
Лукас Пападимос 2011 йилнинг ноябр ойидан бошлаб, ҳукуматнинг техника соҳасига раҳбарлик қилди, у истеъфога чиққач, айни молиявий ва иқтисодий инқироз юз берган вақтда ўрнига Георгиос Папандреу сайланди. У мазкур лавозимда 2012 йилнинг май ойигача ишлади.
