2017 йил 23 май куни тахминан соат 16:30 да, ҳайдовчи Холматов Шерзод «Матиз» русумли автоуловни Тошкент шаҳар, Шайхонтоҳур тумани, Нурафшон кўчаси бўйлаб бошқариб келиб, бошқарувни йўқотган ҳолда, йўл четига чиқиб кетган ва катта тезликда пиёдалар йўлаги темир панжара устунига тўқнашган.
Йўл транспорт ҳодисаси оқибатида автоуловнинг 3 нафар йўловчилари турли хил даражадаги тан жароҳатлари олган ва уларнинг бири шифохонага олиб кетилаётган вақтда вафот этди.
Мазкур ҳолат юзасидан Тошкент шаҳар ИИББ ҳузуридаги Тергов бошқармаси томонидан Ўзбекистон Республикаси ЖКнинг 266-моддаси 2-қисми (Транспорт воситасини фойдаланиш хавфсизлиги қоидаларини бузиш одам ўлимига сабаб бўлса) билан жиноят иш қўзғатилган.
Ҳайдовчининг анкета маълумотлари ўзгартирилган бўлиб, фамилия ва исмларнинг хар қандай ўхшашлиги тасодифий характерга эга.
