Нидерландия қироли яширинча учувчи бўлиб ишлашини тан олди, деб хабар берди 1tv.ru нашри.
Қирол Голландия нашрларидан бирига йўловчи ташувчи лайнерда иккинчи учувчи вазифасида ишлашини тан олди. Қирол Виллем-Александр 2013 йилда тахтга чиққунга қадар парвоз қилиш лицензиясига эгалиги ҳаммага маълум эди. Аммо у шу пайтгача ҳафтасига икки маротаба хизматга алоқадор парвозларни амалга оширувчи, сиғими катта бўлмаган маҳаллий авиалинияда иккинчи учувчи, лавозимида ишлашини яшириб келган.
Виллем-Александр йўловчилар билан саломлашганига қарамай, ўзини танитмаган. Аммо унинг овозини таниб қолган самолёт йўловчиларидан айримлари штурвални ким бошқараётганлигини сезиб қолган. Ҳамма сир ошкор бўлгандан кейин қирол севимли ишидан воз кечиш нияти йўқлигини, аксинча узоқ масофаларга парвозни амалга оширувчи “Боинг-737” самолётини бошқаришни ўрганиш истаги борлигини билдирди.
