Мадриднинг “Реал” жамоаси мураббийлари штаби Лондоннинг “Челси” клуби ярим ҳимоячиси Эден Азарга бўлган қизиқишни сўндирмаяпти.
Marca нашрининг маълум қилишича, мадридликлар президенти Флорентино Перес келаси мавсум бошида бельгиялик футболчини навбатдаги “галактико”га айлантирмоқчи.
“Қироллик клуби” бош мураббийи Зинедин Зидан ҳам Азарни қўшиб олиш фикрида юрибди. Бунинг учун жамоа Хамес Родригесни ишга солишга тайёр.
Қайд этиш керакки, Эден Азарнинг “Челси” билан амалдаги келишуви 2020 йилгача давом этади. Унинг йиллик маоши эса 10 млн еврога тенг.
