Американинг “Питтсбург Пингвинз” хоккей клуби ўйинчиси Сидни Кросби Канаданинг “Оттава Сенаторз” хоккей клуби билан ўтказилган матчда канадалик хоккейчи Марк Метонинг бармоғини узиб олай деди, деб хабар берди Tvzvezda.ru нашри.
Матчнинг биринчи қисмида Мето “Питтсбург” дарвозасига ҳужум қилган вақтда Кросби шайба учун бўлган жанг пайтида клюшка билан унинг қўлига кучли зарба етказди. Зарба жуда кучли бўлганидан Мето мажақланган бармоғи билан майдонни тарк этишга мажбур бўлди. Кросби эса қоидани бузганлиги учун жарима ўриндиғида атиги икки дақиқа ўтириш билан жазоланди. Матч 2:1 ҳисобида “Оттава Сенаторз”нинг ғалабаси билан якунланди.
