Клуб матбуот хизмати хабар беришича, томонлар 5,5 йиллик шартнома имзолаган. 26 ёшли футболчи “шаҳарликлар” сафида 42-рақам остида ҳаракат қилади. Трансфер қиймати 75 миллион еврога баҳоланган.
Маълум қилинишича, ганалик футболчи “Челси”, “Тоттенхэм”, “Ливерпуль” ва “Манчестер Юнайтед”дан тушган таклифларни рад этиб, айнан “Манчестер Сити”ни танлаган. Унинг қарор қабул қилишида жамоа бош мураббийси Пеп Гвардиола қўл остида тўп суриш истаги муҳим омил бўлган.
Қайд этилишича, Семеньо жорий мавсум Англия Премьер-лигасида 19 та ўйинда 9 та гол ва 3 та голли узатма амалга оширган.
