Ягона интерактив Давлат хизматлари порталида Ўзбекистон Республикаси Давлат архитектура ва қурилиш қўмитаси томонидан юридик ва жисмоний шахсларга обектни қайта ихтисослаштириш ва реконструкция қилишга руҳсатнома олиш учун электрон ариза юбориш янги хизмати ишга туширилди.
Аризани кўриб чиқиш учун Ўзбекистон Республикаси Вазирлар Маҳкамасининг 2016 йил 9 мартдаги “Шаҳарсозлик фаолияти ва қишлоқ хўжалигидан бошқа эҳтиёжлар учун ер участкалари беришнинг, бино ва иншоотларнинг ташқи кўринишини ўзгартиришни (фасадини таъмирлашни) келишишнинг, шунингдек обектни қайта ихтисослаштириш ва реконструкция қилишга, турар жойни нотурар жой тоифасига ўтказишга рухсатномалар беришнинг умумий белгиланган тартибини янада соддалаштириш чора-тадбирлари тўғрисида” 70-сонли қарорига кўра рухсатнома беришга қуйидаги миқдорда маблагъ ундирилади: энг кам ойлик иш ҳақининг 10% - Нукус шаҳри ва вилоят марказлари учун; энг кам ойлик иш ҳақининг 20% - Тошкент шаҳри учун; энг кам ойлик иш ҳақининг 30% - вилоятнинг шаҳар ва туман ҳудудлари учун.
Хизмат натижаси бўлиб, 6 кундан ортиқ бўлмаган муддатда обектни ихтисослаштириш ва қайта реконструкция қилишга рухсатнома олиш ҳақида аризачига хабарнома юбориш ҳисобланади.
