Инсайдер Фабрицио Романо хабар беришича, “Манчестер Сити” ганалик футболчи Антуан Семеньо билан келишувга эришган. Манбага кўра, трансфер қиймати 75 миллион еврога тенг.
25 ёшли ҳужумчи 8 январь куни тиббий кўрикдан ўтгач, клуб билан узоқ муддатли шартнома имзолайди.
Хабарларга қараганда, Семеньо Англия Премьер-лигасининг яна тўртта клубидан тушган таклифларни рад этиб, “Сити”ни танлаган. Бунда Хосеп Гвардиола қўл остида ўйнаш истаги ҳал қилувчи омил бўлган.
Маълумот учун, жорий мавсумда Антуан Семеньо АПЛда 19 та ўйинда майдонга тушиб, 9 та гол ва 3 та голли узатма муаллифи бўлган.
