Миллий статистика қўмитаси маълумотларига кўра, 2025 йил январь—ноябрь ойларида Ўзбекистон фуқароларининг хорижга саёҳатлари сезиларли даражада ошган. Сафарга чиққанлар сони ўтган йилнинг мос даврига нисбатан қарийб 1,3 млн нафарга кўпайган.
Жорий йилнинг 11 ойида ўзбекистонликлар энг кўп ташриф буюрган давлатлар рейтингида Қирғизистон етакчилик қилмоқда — 3,1 млн нафар. Ундан кейинги ўринларда Қозоғистон (1,3 млн) ва Тожикистон (1,2 млн) жой олган.
Шунингдек, Россияга 399 минг, Саудия Арабистонига 296,4 минг, Туркияга 251,1 минг нафар фуқаро сафар қилган. ТОП-10 рўйхатидан БАА (126,3 минг), Миср (61 минг), Хитой (46 минг) ва Ветнам (35,6 минг) ҳам ўрин олган.
