Расмий баёнотда спортчининг ўлим сабаби очиқланмаган. Бироқ Олимпия ўйинлари расмий сайти ва бир қатор ОАВ хабарларига кўра, Изабел Марсиняк лимфогрануломатоз — лимфа тизимининг онкологик касаллиги билан курашиб келган.
Федерация марҳуманинг оила аъзолари, яқинлари ҳамда бутун гимнастика жамоатчилигига чуқур ҳамдардлик билдирди. Қайд этилишича, унинг спортга бўлган муҳаббати ва қисқа, аммо ёрқин фаолияти кўплаб ёш спортчилар учун илҳом манбаи бўлиб қолади.
Изабел Марсиняк 2021 йилда Бразилия чемпионатида ўсмирлар ўртасида индивидуал кўпкураш ҳамда тўп билан машқда чемпионликни қўлга киритган. У “Агир” клубида фаолият олиб борган, бироқ 2023 йилда соғлиғи сабаб спортни вақтинча тарк этишга мажбур бўлган.
