Тожикистон Давлат миллий хавфсизлик қўмитаси Чегара қўшинлари маълум қилишича, ҳодиса 24 декабрь куни Шамсиддин Шохин туманидаги “Сарчашма” чегара отряди ҳудудида содир бўлган.
Афғонистонлик уч нафар шахс чегарани бузиб ўтган ва таслим бўлиш талаби рад этилгандан сўнг қуролли қаршилик кўрсатган.
Жавоб чоралари натижасида учала ҳуқуқбузар йўқ қилинган. Ҳодиса жойидан турли хил ўқ-дорилар, қўл гранаталари ва қуроллар мусодара қилинган.
Амалиёт чоғида икки нафар тожик чегарачиси ҳалок бўлган. Ҳозирда чегара ҳудудида вазият барқарор, ҳодиса юзасидан тергов ишлари олиб борилмоқда.
