Янги йил байрами тадбирларига тайёргарлик кўриш, уларни юқори савияда ўтказиш ҳамда аҳоли хавфсизлиги ва жамоат тартибини таъминлаш мақсадида, Тошкент шаҳрининг айрим ҳудудларида транспорт ҳаракатига вақтинчалик чекловлар ўрнатилади.
2025 йилнинг 15 декабридан 2026 йилнинг 15 январигача Ўзбекистон Миллий кутубхонаси олд майдонида:
Зарафшон кўчасининг «Hyatt Regency Tashkent» меҳмонхонаси қўриқлаш пункти ва Матбуотчилар кўчалари оралиғидаги қисми;
Истиқлол кўчасининг А.Темур шоҳ ва Буюк Турон кўчалари оралиғидаги қисми;
Буюк Турон кўчасининг Истиқлол кўчаси кесишмасидан Ёшлар ижод саройигача.
2025 йил 17 декабрдан 2026 йил 5 январгача Тарас Шевченко гастрономик-туризм кўчасида:
Тарас Шевченко кўчасининг Фидокор кўчаси кесишмасидан Нукус кўчаси кесишмасигача,
Саййид Барака кўчасининг Ойбек кўчаси кесишмасидан Амир Темур шоҳ кўчасигача.
Барча ҳайдовчилардан ўз йўналишларини ушбу ўзгаришларни инобатга олган ҳолда режалаштириш тавсия қилинди.
