Тошкентнинг “Пахтакор” клуби ҳужумчиси Игор Сергеэв ортда қолган мавсумнинг “Йилнинг энг яхши футболчиси” деб топилди. Бу ҳақда Профессионал футбол лигаси хабар берди.
32 ёшли форвард Суперлигада 20 та гол уриб, мавсум тўпурарига айланди ва 8 йиллик танаффусдан сўнг яна маҳаллий тўпурар унвонини қўлга киритди. Сергеэв жамоаси билан Ўзбекистон кубогида ғолиб бўлиб, Суперлигада кумуш медалларни қўлга киритди.
Шунингдек:
“Энг яхши хорижлик футболчи” — Жиззахнинг “Сўғдиёна” клуби аъзоси Люпчо Дориэв. У 30 та ўйинда 16 та гол уриб, 9 та голга узатма берди.
“Энг яхши ёш футболчи” — “Динамо” (Самарқанд) вакили Фирдавс Абдураҳмонов. 20 ёшли футболчи 23 та ўйинда 6 гол ва 3 ассист қайд этди.
